Storja Sezzjoni Żgħażagħ

6 t’April 1992 – Din hija data importanti ferm fl-istorja tas-Soċjeta’ Mużikali Santa Katarina V.M. għaliex propju f’ din il-ġurnata fiż-Żurrieq twaqqfet l-ewwel Sezzjoni Żgħażagħ – is-Sezzjoni Żgħażagħ Palmisti taħt it-tmexxija tac-Chairman is-Sur Charles Tanti,

Fis-Soċjeta’ Mużikali Santa Katarina V.M. kienet ilha tinħass il-ħtieġa sabiex iż-żgħażagħ ikunu organizzati taħt forma ta’ sotto-kumitat. Għalhekk propju nhar is-6 t’April 1992, fis-sala ewlenija tal-Każin tal-Banda Sanata Katarina V.M. (illum is-Sala Ġużeppi Gauci), saret l-ewwel laqgħa ta’ l-ewwel kumitat tas-Sezzjoni Żgħażagħ Palmisti. Mill-ewwel dawn il-membri tal-kumitat bdew jiddiskutu biex jaraw kif ser ikabbru aktar il-Festa tal-Patruna tagħna Santa Katarina.

Fil-festa ta’ dik is-sena, wara biss ftit xhur ta’ ħidma, kien jidher illi f’dawn iż-żgħażagħ kien hemm sens ta’ organizazzjoni kemm fil-marċi, fil-briju w anke fl-armar.

Din is-Sezzjoni bdiet ukoll torganizza diversi attivitajiet li f’dak iż-żmien kienu qed jigu organizzati ghall-ewwel darba f’raħalna bl-iskop li żżomm lil din is-Soċjeta’ aktar ħajja matul is-sena, tqajjem sens kulturali sew fis-Soċjeta’ tagħna sew ukoll f’ raħalna u bdiet ukoll tħeġġeġ aktar żgħażagħ biex jingħaqdu ma’ din is-Soċjeta’. Hawn ta’ min isemmi attivitajiet bħalma huma l-Lejla Maltija Grandjuża, s-St.Catherine Song Festival, discos fil-każin, diversi wirjiet u serati teatrali.

Aktar ma beda għaddej iż-żmien, il-popolarita’ ta din is-Sezzjoni kompliet tikber u l-kelma “Suċċess” bdiet issir sinonomu mas-Sezzjoni Żgħażagħ Palmisti. L-attivitajiet aktar ma beda għaddej iż-żmien bdew jilħqu aktar livelli għoljin u x-xogħol tal-briju beda jsir aktar professjonali u ta’ livell.

Iva, mis-6 t’April 1992 sal-lum, is-Sezzjoni Żgħażagħ Palmisti qatt ma ħarset lura u dejjem b’ ko-ordinazzjoni mal-Kumitat Ċentrali, mal-ħidma ta’ diversi ta’ din is-Sezzjoni u ta’ diversi soċji iżda fuq kollox bl-għajnuna tal-Patruna tagħna Santa Katarina, inkisbu l-akbar suċċessi.

Ninsab ċert illi t-triq ta’ din is-Sezzjoni hija aktar twila u għad baqa’ ħafna aktar x’jinkiteb u jiżdied mal-ħoloq tal-katina ta’ suċċessi ta’ din l-Ewwel u l-Aqwa Sezzjoni Żgħażagħ taż-Żurrieq.

Chairpersons tas-Sezzjoni Żgħażagħ Palmisti

	1992 - 2005	Is-Sur Charles Tanti
	2005 - 2010	Is-Sur Emanuel Farrugia
	2010 -	Is-Sinjorina Cettina Camilleri

 Kumitati Sezzjoni Żgħażagħ Palmisti

Kumitat: 1992	Kumitat: 1992 - 1993
Kumitat: 1993 - 1994	Kumitat 1994 - 1995
Kumitat 1995 - 1996	Kumitat 1996 - 1997
Kumitat 1997 - 1998	Kumitat: 1998 - 1999
Kumitat: 1999 - 2000	Kumitat: 2000 - 2001
Kumitat: 2001 - 2002	Kumitat: 2002 - 2003
Kumitat: 2003 - 2004	Kumitat: 2004 - 2005
Kumitat: 2005 - 2006	Kumitat: 2006 - 2007
Kumitat: 2007 - 2008	Kumitat - 2008 - 2009
Kumitat: 2009 - 2010