Is-Sibt, 15 ta' Jannar 2022
Is-Soċjetà Mużikali Santa Katarina V.M. bi pjaċir tħabbar li ser tkun qed twaqqaf Kor għal tfal, adoloxxenti u żgħażagħ taħt l-isem Vox Coeli.
Għal dan il-għan, l-istess Soċjetà ser tibda toffri lezzjonijiet tal-kant b'xejn għat-tfal, adoloxxenti u żgħażagħ. Dawn ser isiru fil-Każin tal Banda Santa Katarina V.M., iż-Żurrieq, ser ikunu maqsumin f'żewġ gruppi u ser ikunu mmexxija mill-Mezzo Soprano Clare Ghigo.
L-ewwel grupp ser ikun immirat għal tfal ta' bejn 6 u 12 -il sena filwaqt li t-tieni grupp ser ikun immirat għal adoloxxenti u żgħażagħ li għandhom bejn 13 u 30 sena.
Jekk int jew it-tfal tiegħek taqgħu taħt waħda minn dawn il-kategoriji u tixtiequ tifformaw parti minn dan il-Kor, kull ma tridu tagħmlu huwa li timlew l-applikazzjoni li l-link tagħha tinsab fuq il-paġna uffiċjali ta' facebook tas-Soċjetà jew inkella tiġbor applikazzjoni mill-Bar tal-Każin. L-applikazzjonijiet għandhom jimtlew u jiġu ritornati sa nhar it-Tlieta 25 ta' Jannar 2022.
Dan il-proġett qed jiġi kkordinat mis-Sotto Kumitat Banda tas-Soċjeta' Mużikali Santa Katarina V.M. u ffinanzjat mill-fondi tal-Aġenzija Żgħażagħ.
